د.محمد أمين جاد
هل تعلم انه فيه عضو خفي في جسم الانسان ماحدش واخد باله منه ولا الناس العادية ولا حتى معظم الدكاترة .؟
تعرف ان العضو ده له علاقة بمعظم الامراض الي كترت اوي الفترة دي ؟
العضو الخفي اسمه مايكروبايوم !!!
إيه هو المايكروبايوم ؟؟!
ده عضو وزنه ٢ كيلوجرام تقريبا .. يسكن داخل الامعاء .. عدد خلاياه يساوي تقريبا عدد جميع خلايا الجسم مجتمعة .. مكون من أعداد كبيرة ومختلفة من البكتيريا و الميكروبات الصديقة ..!!
الاهم من كده .. الفائدة الرهيبة لهذا العضو الي بتكتشف يوم عن يوم ..
“المايكروبايوم” او “البكتيريا المفيدة المتجمعة” لها علاقة قوية جدا بمعظم الأمراض المستعصية الي انتشرت أخيرا في العالم كله ..
لها علاقة بالامراض المناعية كلها زي الإم إس MS و الصدفية Psoriasis و الذئبة الحمراء Lupus erythematosus و الفايبروماليجيا Fibromyalgia و الروماتويد Rheumatoid و البهاء Leucoderma والاكزيما Eczema و الكرونز Crohn’s disease و غيرها من الامراض .. ده غير امراض القلب و الضغط و السكر و العظم و حتى السمنة و زيادة و الوزن ..!!
مش بس كده دي لها علاقة كبيرة بالسرطانات كلها و الأورام الحميدة والخبيثة ..
فإذا كان المايكروبايوم قويا و فعالا كان الجسم كله مقاوما للامراض المناعية و السرطانات .. و اذا كان ضعيفا و ضامرا كان الجسم أكثر عرضة للإصابة بهذه الأمراض و الاورام .
● ازاي ممكن يقل حجم المايكروبايوم في جسمك واللي ممكن يسبب لك الضرر ؟ …
١. بالمضادات الحيوية الكثيرة و الامصال
٢. بالقلق و الإكتئاب و التوتر
٣. بمضادات الحموضة الكثيرة
٤. بأكل الكثير من الأطعمة التي تزيد من الالتهابات العامة كالقمح الأبيض والمعجنات و السكر الأبيض والحلويات و العصائر و اللبن و زيت الذرة ومشتقاته و فول الصويا و مشتقاته والدهون المهدرجة .
٥. مشروبات الصودا بجميع أنواعها.
● ازاي ممكن نقوى المايكروبايوم و نحمي أنفسنا ؟ …
١. أكل الأطعمة المحتوية على البكتيريا المفيدة كالزبادي البلدي أو البيتي و اللبن الرايب و اللبنة والعيران و كذلك المخللات بانواعها .
٢. أكل الكثير من الخضراوات بالاخص الخضراء و بعض انواع الفواكه كالتوت بانواعه .
٣. إستخدام الاعشاب و التوابل الطبيعية و خل التفاح.
٤. السمك البحري والسلامون والتونة.
٥. المكسرات و البقول و الفاصوليات.
٦. الدهون المفيدة كالزبد الحيواني والسمن البلدي و زيت الزيتون.
● أمثلة للمكملات غذائية التي تساعدنا علي زيادة قوة المايكروبايوم:
١. زيوت الأوميجا٣
٢. فيتامين دال
٣. مكملات البروبايوتيك
٤. مكملات الجلوتامين
٥. الماجنيسيوم
الى جانب البعد عن المضادات الحيوية قدر المستطاع و كذلك القلق والتوتر و الضغط العصبي .
